1861, 21. eller 24. mai: Rasmus Løland vert fødd i Oppistovå på garden Løland i Hylsfjorden, Sand sokn og prestegjeld.

1876 – 1. oktober: Konfirmert i Sandskyrkjå.

1877-78, vinteren: Amtskulen på Sand.

1878, 31. august:Rasmus Løland vert feildiagnostisert med hjartebetennelse. I over ti år frametter er han sterkt plaga av angst og psykosomatiske lidingar. 

1879, 21. mai: Første stykke på trykk i ”Fedraheimen”: ”Frå Hylsstrondi  (Ryfylke)”, samla under ”Ymse Segner” og underteikna med "R".
Sidan fleire mindre stykke på trykk i ”Fedraheimen”, men og i VG.

1881: Melder seg inn i Det Norske Samlaget

1886: Ved brukarskifte i Oppistovå, då broren Lars tek over etter foreldra, vert det bestemt at Rasmus skal fylgja garden (på folga) . Det heiter at når foreldra er døde ”skal deres Søn Rasmus Larsen have frit Ophold, fri Forpleining og anstændig Beklædning, saalænge han er sygelig og ugift og selv ønsker det”.

1887: Sender sine første skrivearbeid til ”Det norske samlaget” via stortingsmann Ola Berge frå Sand.

1888: Faren, Lars Larssen Løland, døyr.

1888: Forteljinga ”Hans og Margrethe” blir trykt i ”Lauvduskar” (Samlaget)

1890: Mora, Barbro Torkelsdtr. f. Søndenå (Sønnå), døyr.

1890: Rasmus Løland får diagnosen byrjande tæring. Det fjernar for ein stor del utslaga av den fiktive hjartesjukdomen og dei mentale lidingane.Tæringssjukdomen blir heller ikkje meir av på mange år.

1890 og 1891: Eit par periodar som huslærar hos systera Bertha Rabbe i Sauda (Saudasjøen).

1891: Debuterer med boka ”Folkeliv” (hos Mons Litlerè i Bergen)

1892: Valkamp for det reine Venstre

1892 og 1893, somrane: Turar til Bergen

1894: Engasjement i ungdomsrørsla.

1895-hausten: Reiser til Kristiania første gong

1896: Slår seg ned i Kristiania, m.a. som medarbeidar i ”Den 17de Mai”

1899-1900: Statsstipend, på reise i Danmark, Tyskland og Austerrike.

1902: Redaktør for ”Norsk Barneblad” – fram til han døyr.

1903: Kjøper hus og eit stykke jord på Labråten i Asker, tett ved Hulda og Arne Garborg.

1903-06: I styret for Det Norske Samlaget.

1907: I styret for Den norske Forfatterforening og i redaksjon for Syn og Segn.

1907, 12. oktober: Døyr av tæring på Labråten og vert gravlagd på Asker kyrkjegard.

Kjelde: Rasmus Løland. Barnebokpioneren frå Ryfylke. Av Ernst Berge Drange